III Carreira Nocturna Solidaria de Bembrive
Un ano máis, as baixas temperaturas facíanse co protagonismo absoluto na antesala dunha nova edición da Carreira Nocturna Solidaria de Bembrive. Presumíase polo tanto, unha noite xélida na tan particular e hospitalaria pedanía viguesa; toda a xelidez ía a menos a medida que transcurrían os minutos e a calor solidaria dos participantes que se achegaban facíase máis latente; un mar de solidariedade transformada en centos de kilos de alimentos non perecedeiros, que un ano máis, con total seguridade fixeron rebosar as arcas da organización, á que debemos reverenciar.
Miguel Gil, Roberto Alonso, Marcos Francés e Rubén Sío durante o quecemento.
No aspecto deportivo, debemos destacar en primeiro lugar a notable representación que o Atletismo Porriño tivo neste clásico evento, demostrando unha vez máis que a maiores do aspecto deportivo, esta entidade promove entre os seus atletas e o seu entorno máis próximo valores sociáis que como a humanidade e a solidariedade, son tan necesarios na nosa sociedade.
Choiva de trofeos recompensaron a valentía que os nosos atletas demostraron desafiando o intenso e penetrante frío; así debemos destacar os podios de Iago Sobreira (1º) en Xunior masculino, Sandra Sobreira (1ª) en Senior feminino, Ismael Lago (3º) en Senior masculino, Marcos Francés (3º) en Veteráns B masculino.
No resto da participación, Burgos foi 14º (4º na categoría Veteráns B), Roberto Alonso (18º), Rubén Sío (35º), Miguel Gil (53º), Diego Pereiro (78º), Mónica Pena (122ª) e Irene Sobreira (134ª).
Isma Lago (saudando) e Marcos Francés no podio.
Fotografía: Roberto Alonso e Rafael Fernández Álvarez.
Crónica: Roberto Alonso. Editada polo Club Atletismo Porriño
